జామ హల్వా

కావలసిన పదార్థాలు :
జామకాయలు - రెండు,
పంచదార - పది టేబుల్ స్పూన్లు,
నెయ్యి - ఒక టేబుల్ స్పూన్,
నీళ్లు - అరకప్పు,
యాలక్కాయపొడి - చిటికెడు,
బాదం, జీడి పప్పు, ఎండుద్రాక్షలు - అలంకరణకు.



తయారుచేసే పద్ధతి : 

• జామకాయల్ని నాలుగు పెద్ద ముక్కలుగా కోసి గింజలు తీసేయాలి. ఆ తరువాత చిన్న ముక్కలు కోయాలి. కుక్కర్లో జామకాయ ముక్కల్ని ఉడికించాలి. చల్లారిన తరువాత మిక్సీలో మెత్తటి గుజ్జులా పట్టాలి. అవసరమయితే కొద్దిగా నీళ్లు కలపొచ్చు.
• కళాయిలో పంచదార వేసి కొంచెం నీళ్లు పోసి ఉడికించాలి. పంచదార కరిగిన తరువాత జామ గుజ్జును వేసి చిక్కగా అయ్యే వరకు ఉడికించాలి. తరువాత కొద్దిగా నెయ్యి కలిపి సన్నటి సెగ మీద ఉడికించాలి.
• గిన్నెకు మిశ్రమం అంటుకోకుండా గరిటెతో కలియపెడుతూనే ఉండాలి. బాగా చిక్కపడిన తరువాత యాలక్కాయపొడి వేసి నట్స్తో అలంకరించాలి. ఆరోగ్యకరమైన నోరూరించే హల్వా రెడీ.

టమాట స్వీట్ హల్వా

కావలసిన పదార్ధాలు :

టమాటాలు _పావుకిలో 
పంచదార _ పావుకిలో 
కార్న్ ప్లోర్ _ వంద గ్రాములు 

నెయ్యి _ వంద గ్రాములు 
యాలుకలుపొడి  _టీ స్పూన్ 

తయారుచేయు విధానం :

1) టమాటాలు శుబ్రంగా కడిగి ముక్కలుగా కట్ చేసి మిక్సిలో  వేసి రసం తియ్యాలి.ఈ రసం ఒక గిన్నెలోకి వడకట్టాలి. 

2) ఇలా వడపోసిన  రసంలో కార్న్ ప్లోర్ వేసి ఉండలు లేకుండా కలపాలి.

3) ఇప్పుడు స్టవ్ వెలిగించి పాన్ పెట్టి పంచదార వేసి దానిలో కొద్దిగా నీళ్ళుపోసి  తీగ పాకం పట్టాలి.

జీడిపప్పులు వేనేతిలో వేయించుకోవాలి.

4) పాకం వచ్చాక కార్న్ ప్లోర్ కలిపిన టమాట రసం వేసి కలుపుతూ ఉడికించాలి.కాసేపటికి గట్టిపడుతుంది.

5) ఇప్పుడు నెయ్యి వేసి కలపాలి. నెయ్యి బాగా కలిసాక యాలుకలపొడి వేసి కలపాలి .ముద్దగా అయ్యి పాన్ కి అంటుకోకుండా ఉంటుంది.
అంటే టమాట స్వీట్ తయారయింది.

6) ఇప్పుడు ప్లేటుకి నెయ్యి రాసి దానిలోకి ఇలా తయారయ్యిన టమాట స్వీట్ వేసి పలుచగా సర్ది నేతిలో వేయించిన జీడిపప్పులు వేసి అలంకరించి 

7) చల్లారిన తరువాత మీకు నచ్చిన ఆకారంలో ముక్కలుగా కట్ చేసుకోవాలి.

అంతే  టమాట స్వీట్ (హల్వా)రెడి.

బాదం హల్వా

బాదం హల్వా

కావలసినవి :
బాదం పప్పు :అర కేజీ
జీడిపప్పు :100గ్రాములు
పంచదార : అర కేజీ
నెయ్యి :50 గ్రాములు

తయారీ
ముందుగా బాదం పప్పు ముందు రోజు రాత్రి నాన పెట్టుకోవాలి. హల్వా చేసే  గంట ముందు  జీడిపప్పు నానపెట్టాలి.తరువాత బాదాం పప్పు, జీడిపప్పు పేస్ట్ లా చేసి పక్కన పెట్టుకోవాలి తరువాత  పంచదార కొంచెం నీళ్ళు పోసి స్టవ్ మీద పెట్టి తీగ పాకం వచ్చాక బాదాం పేస్ట్ నెయ్యి వేసి కలపాలి.కొంచం గట్టిగా అయ్యాకా అందులో కొంచం నెయ్యి వేసి కలిపి స్టవ్ ఆఫ్ చేసుకోవాలి. తరువాత దిన్నీ నెయ్యి రాసిన ప్లేట్ లోకి వేసి ముక్కలు కట్ చేసుకోవాలి...

చాకొలెట్ బాదాం హల్వా

చాకొలెట్ బాదాం హల్వా

కావలసిన పదార్థాలు:

పాలు-అర లీటరు
కోకో పౌడర్- అర కప్పు
పంచదార - 250 గ్రాములు
బ్రెడ్ స్లైసులు -2
జీడిపప్పు పొడి- రెండు స్పూన్లు
 కిస్‌మిస్ - కొన్ని
నెయ్యి - రెండు స్పూన్స్
బాదంపప్పు- 50గ్రాములు

తయారీ:

ముందుగా  పాలు సగానికి సగం అయ్యేంత వరకు మరిగించి పెట్టుకోవాలి. తరువాత  పాలలో బ్రెడ్ స్లైస్ లు , కోకో పౌడర్ , పంచదార, బాదాం నానపెట్టి పొట్టు తీసుకుని  చేసుకున్న పేస్ట్,  కొద్దిగా జీడిపప్పు పొడి వేసి కలిపి ఒక పది నిముషాలు ఉడకనివ్వాలి. మిశ్రమం గట్టిగా హల్వాలా అయిన తరువాత చివరిలో నెయ్యి వేసి కలుపుకుని స్టవ్ ఆఫ్ చేసుకోవాలి. ఇప్పుడు  ప్లేటకి కొద్దిగా నెయ్యి రాసి పెట్టుకుని హల్వాను ప్లేట్ లో వేసుకుని ముక్కలుగా కట్ చేసి దానిపై కిస్మిస్, జీడిపప్పు,బాదాం పలుకులు వేసి డెకరేట్ చేసుకోవాలి.  

బందర్ హల్వా

బందర్ హల్వా

కావలసిన వస్తువులు:

గోధుమపిండి       -    అర కిలో.
జీడిపప్పు             -     50 గ్రాములు
బెల్లం                  -     అర కిలో
నెయ్యి                -     పావు కిలో
యాలుకల పొడి    -     రెండు స్పూన్లు
రెడ్ కలర్             -     చిటికెడు.

తయారు చేసే విధానం:

ముందుగా గోధుమపిండిని  నీళ్ళతో ముద్దలా చేసి ఒక గిన్నెలో ఉంచి ఆ ముద్ద మునిగేలా నీళ్ళు పోసి  నానబెట్టాలి. తర్వాత  ఆ నీళ్ళలో గోధుమపిండి ముద్దను బాగా కలిపి, వచ్చే గోధుమ పాలను వడగట్టి వుంచుకోవాలి. వడగట్టి వుంచిన గోధుమ పాలలో పైకి తేరుకున్న నీళ్ళు కొన్ని తీసేసి దానిలో రెడ్‌కలర్  కలపాలి. ఇప్పుడు  స్టవ్ వెలిగించుకుని గిన్నెపెట్టుకుని  బెల్లం , సరిపడ  నీళ్ళు పోసి ముదురుపాకం వచ్చాక గోధుమపాలు కలపాలి. జీడిపప్పు వేసి చిన్న మంటపెట్టి ఉడకనివ్వాలి కొద్దిసేపటి తర్వాత ఇందులో నెయ్యి కొద్దికొద్దిగా వేస్తూ కలుపుతూ వుండాలి. మిశ్రమాన్ని గట్టిపడిన తరువాత చివరిలో  ఇలాచి పొడి వేసి స్టవ్ ఆఫ్ చేసుకుని ఒక ట్రే కి నెయ్యి రాసి అందులో హల్వా వేసి చల్లారాక కావల్సిన సైజులో ముక్కలుగా కట్ చేసుకోవాలి.బందర్ హల్వా రెడీ...

కరాచి హల్వా

కరాచి హల్వా  

కావలసిన పదార్థాలు :

కార్న్ ఫ్లోర్ - 100 గ్రాములు
నెయ్యి -  75 గ్రాములు
 పంచదార - 250 గ్రాములు
రెడ్ కలర్ - చిటికెడు
యాలకుల పొడి -అర స్పూన్
బాదాం,  జీడిపప్పు - పావు కప్పు ( అన్నిటిని సన్నగా కట్ చేసుకోవాలి)

తయారీ :

ముందుగా ఒక గిన్నె తీసుకుని  సరిపడా  నీళ్ళు పోసి  పంచదార వేసి బాగా మరిగిన తరువాత స్టవ్ ఆఫ్  చేయాలి. ఇప్పుడు  గిన్నె లోకార్న్ ఫ్లోర్  కొద్దిగా నీళ్ళు వేసి జారుగా కలుపుకోవాలి. తరువాత స్టవ్ వెలిగించి నాన్ స్టిక్ పాన్ పెట్టి  నెయ్యి వేసి కరిగిన తరువాత కలిపి వుంచుకున్న  పిండిని వేసి ఉండలు లేకుండా కలుపుకోవాలి. మిశ్రం దగ్గర పడ్డాక అందులో పాకం  కొద్ది కొద్ది గా వేసి కలుపుకోవాలి. ఇప్పుడు కరిగించి స్పూన్ నెయ్యిలో రెడ్ కలర్ కలిపి హల్వాలో  వెయ్యాలి. ఇప్పుడు ఇలాచి, జీడిపప్పు  వేసి కలిపి చివరిలో నెయ్యి వేసుకోవాలి ఒక ఐదు నిముషాలు ఉంచి స్టవ్ ఆఫ్ చేసుకుని నెయ్యి రాసిన ప్లేట్ లో హల్వా వేసి చల్లారక ముక్కలుగా  కట్ చేసుకోవాలి.

కోవా బాదాం హల్వా

 కోవా బాదాం హల్వా

కావలసినపదార్థాలు:
బొంబాయిరవ్వ - ఒక కప్పు
పంచదార -ఒక కప్పు
బాదం- అర కప్పు
కోవా -పావుకప్పు
కేసరి-కొద్దిగా
నెయ్యి -పావుకప్పు
తయారీ :
ముందుగా రవ్వను నెయ్యిలో వేయించి పెట్టుకోవాలి. ఇప్పుడు స్టవ్ వెలిగించి గిన్నె పెట్టి సరిపడా నీళ్ళు పోసి
మరిగాక అందులోరవ్వ వేసి ఉండలు  కట్టకుండా మధ్య మధ్యలో కలుపుతూ ఉండాలి. రవ్వ ఉడుకుతున్నపుడు అందులోపంచదార,నీళ్ళలోకలిపిన కేసరి,బాదం పలుకులు వేసి కలపాలి. పంచదార పూర్తిగా కరిగిపోయాక కోవాను వేసి కలిపి రెండు నిముషాలు ఉడికించి సర్వింగ్ బౌల్ లోకి తీసుకుని ఫ్రిజ్ లో పెట్టుకుని సర్వ్ చేసుకోవాలి.

మూంగ్ దాల్ హల్వా

మూంగ్ దాల్ హల్వా

కావలసినవి :
పెసరపప్పు : 100  గ్రాములు
పాలు : పావు లీటర్
నెయ్యి : 100  గ్రాములు
యాలకులపొడి : అర టీ స్పూన్
బాదం పప్పులు : మూడు
జీడిపప్పులు : ఆరు
కిస్మిస్లు : ఆరు మిల్క్
కండెన్స్డ్ మిల్కు : కప్పు

తయారుచేయు విధానం :

ముందుగా పెసరపప్పుకడిగి  రెండు గంటల ముందు నానపెట్టుకుని గ్రైండ్ చేసుకోవాలి .తరువాత స్టవ్ వెలిగించి గిన్నె పెట్టి  నెయ్యి వేసి కాగాక, గ్రైండ్ చేసిన పెసరపప్పుపేస్ట్ ను వేసి  కలుపుకోవాలి. పచ్చి వాసన పోయే వరకు వేయించాలి. తరువాత పాలు పోసి  ఉడికించాలి.  పాలు ఇగిరిపోయాక కండెన్స్డ్డుడు మిల్క్ వేసి కలుపుతూ వుండాలి. కొద్దిసేపటికి  హల్వలా తయారవుతుంది. ఇప్పుడు యాలకులపొడి, జీడిపప్పులు, బాదాం పప్పులు, కిస్మిస్లు వేసి కలిపి స్టవ్ ఆఫ్ చేసుకుని ఒక ప్లేట్ కూ నెయ్యి రాసి హల్వా వేసి చల్లారక కావలసిన సైజు లో ముక్కలు కట్ చేసి సర్వ్ చేసుకోవాలి

డేట్స్ హల్వా

 డేట్స్ హల్వా

కావలసినవి :

ఖర్జూర ముక్కలు - 1 కప్పు
జీడిపప్పు - కొద్దిగా
పాలు - అరకప్పు
నెయ్యి - 200 గ్రాములు
పంచదార - 200 గ్రాములు

తయారీ విధానం :
ముందుగా స్టవ్ వెలిగించి గిన్నె పెట్టి అందులో పాలు వేసి కొద్దిగా మరిగాక పంచదార, ఖర్జూరం ముక్కలు కలిపి ఉడకబెట్టాలి. తతువత అందులో నెయ్యి, వేసి చిన్న మంట మీద ఉడికించి మధ్య మధ్య లో కలుపుతూ ఉండాలి. హల్వా గట్టిగా అయిన తరువాత స్టవ్ ఆఫ్ చేసి వేయించుకున్న జీడిపప్పు వేసి కలిపి సర్వింగ్ బౌల్ లోకి తీసుకోవాలి.. టేస్టీ డేట్స్ హల్వా రెడీ...

బీట్‌రూట్‌ హల్వా

బీట్‌రూట్‌ హల్వా

కావాల్సినవి :
బీట్‌రూట్‌ తురుము - రెండు కప్పులు
జీడిపప్పు- ఆరు
కొబ్బరి కోరు - కొద్దిగా
నెయ్యి-రెండు కప్పులు
బాదం పలుకులు పొడి - అరకప్పు
కోవా - ఒక కప్పు
పంచదార- ఒకటిన్నర కప్పు 

తయారీ:

ముందుగా నెయ్యిని వేడిచేసి బీట్‌రూట్‌ తురుము వేయించుకుని దీనిలో పంచదార,కొబ్బరి కోరు, కోవా వేసి బాగా కలిపి బాదం పలుకులు వేసి వేయించాలి.  ఇలా ఒక పదిహేను నిముషాలు  ఉడికాక హల్వా గిన్నె నుంచి వేరవుతున్నపుడు స్టవ్ ఆఫ్ చేసి నెయ్యి రాసిన ప్లేట్ లోకి చల్లారాక ముక్కలుగా కట్ చేసుకుని బాదంతో  డెకరేట్ చేసుకోవాలి. టేస్టీ అండ్ హెల్తీ బీట్‌రూట్‌  హల్వా రెడీ 

బ్రెడ్‌తో బోలెడు రుచులు

మన జీవితాలలో బ్రెడ్ ఇప్పుడు ఒక ముఖ్యభాగం. పల్లెటూళ్ల దగ్గర నుంచి పట్టణాల వరకూ బ్రెడ్ దొరకని ప్రదేశం ఉండదు. అలాంటి బ్రెడ్‌ను కాల్చుకునో, పాలతోనో మాత్రమే కాకుండా అనేక రుచికరమైన వంటలుగా మార్చుకోవచ్చు. అలాంటి వెరైటీలు కొన్ని ......

• 1.బ్రెడ్ వెజ్ బర్గర్
• 2.బ్రెడ్ పూర్ణాలు...
• 3.స్వీట్ బ్రెడ్ ఆమ్లెట్
• 4. బ్రెడ్ హల్వా

బ్రెడ్ హల్వా

బ్రెడ్ హల్వా

కావాల్సినపదార్థాలు:
పాలు - ఒక లీటరు,
పంచదార - 350 గ్రాములు,
బ్రెడ్ - ఆరు ముక్కలు,
యాలకులు - ఐదు,
నెయ్యి - 350 గ్రాములు,
జీడిపప్పు - 150 గ్రాములు.
తయారుచేయు విధానం: 
ముందుగా యాలకులను పొడి చేసి పెట్టుకోవాలి. తరువాత జీడిపప్పుని నెయ్యిలో వేయించుకోవాలి. ఇప్పుడు ఓ పావులీటరు పాలల్లో పంచదార, బ్రెడ్ వేసి నానబెట్టాలి. మిగిలిన పాలని బాగా మరిగించాలి. గరిటతో కోవాలా అయ్యే వరకూ తిప్పాలి. ఈ లోపల బ్రెడ్ నాని, పంచదార కరిగిపోతుంది. కోవా తయ్యారవ్వగానే నానినబ్రెడ్, పంచదార మిశ్రమాన్ని అందులో వేసేయ్యాలి. ఇప్పుడు నెయ్యి కూడా వేసి సన్నని మంటపై అడుగంటకుండా గరిటతో తిప్పుతూ ఉండాలి. బాగా దగ్గరికయ్యాక దించేసి యాలకులపొడి వేసి కలపాలి. జీడిపప్పుతో అలకరించుకుంటే బ్రెడ్ హల్వా చాలా బాగుంటుంది.

మాడుగుల హల్వా

మాడుగుల హల్వా కావలసిన పదార్థాలు :

మైదాపిండి.. ఒక కప్పు
పంచదార.. రెండు కప్పులు
ఫుడ్ కలర్.. చిటికెడు
బాదం, జీడిపప్పులు, కిస్‌మిస్‌లు.. కావాల్సినన్ని
యాలకులపొడి.. ఒక టీ.
నెయ్యి... ఒక కప్పు
యాలకుల పొడి.. తగినంత
కుంకుమ పువ్వు.. చిటికెడు

మాడుగుల హల్వా తయారీ విధానం :

బాణలిలో ఒక కప్పు నెయ్యి పోసి అందులో మైదాపిండిని వేయించాలి. ఇంకోవైపు గిన్నెలో పంచదార వేసి తీగ పాకానికి సరిపడా నీటిని పోసి పాకం పట్టాలి. పంచదార పూర్తిగా కరిగిన తరువాత ఫుడ్‌ కలర్ వేసి బాగా కలపాలి. ఇప్పుడు ఉడుకుతున్న మైదాపిండిలో బాదం, జీడి, కిస్‌మిస్‌లు, పంచదార పాకం వేసి గట్టిపడేదాకా తిప్పుతూ ఉండాలి. మంటను తగ్గించి పాత్రను దించేందుకు ముందుగా యాలకుల పొడి, కుంకుమపువ్వును జోడించాలి. అంతే మధురమైన వంటకం మైదా హల్వా తయార్.. ఇది వేడి వేడిగా ఉన్నప్పుడు తింటే చాలా రుచిగా ఉంటుంది.