మాగాయ

కావలసినవి
మామిడికాయలు-4
ఉప్పు-ఒక కప్పు
కారం-ఒక కప్పు
పసుపు-రెండు స్పూన్లు
మెంతిపొడి-రెండు టేబుల్‌స్పూన్లు(వేయించి పొడిచేసుకోవాలి)
తయారుచేసే విధానం
మామిడికాయ ముక్కలను నిలువ్ఞగా కోసి ఒక జాడీలో వేసి ఉప్పు, పసుపు వేసి నానబెట్టాలి. ఒకరోజు తరువాత ముక్కలను గట్టిగా పిండితే రసంలా వస్తుంది. ముక్కలను ప్లేటులో వేసి ఎండలో పెట్టుకోవాలి. మంచి ఎండకు త్వరగా ఎండిపోతాయి. ఇలా రెండు మూడు రోజులు ముక్కలను ఎండబెట్టుకోవాలి.
ఎండిన ముక్కలను కొద్దిగా చల్లబడ్డాక రసంలో వేస్తూ ఉండాలి. ఇలా మూడురోజులు చేశాక నాలుగవ రోజు రసంలో ముక్కలు వేసి కారం, మెంతిపొడి వేసి కలుపుకోవాలి. కళాయిలో తగినంత నూనె పోసి పోపు పెట్టుకోవాలి. పోపు వేడి చల్లారాక పచ్చడిలో కలుపుకోవాలి. దీనిని గాలిచొరబడని డబ్బాలో పెట్టుకోవాలి. దీంట్లోనే కొద్దిగా బెల్లం కలిపితే తీపి మాగాయ అవ్ఞతుంది.