వాము ఆకులు పచ్చడి

వాము ఆకులు దీనితో పచ్చడి చేసుకుని తింటే చాలా బాగుంటుంది.

వాము ఆకులు - సుమారు పావు కేజీ
శనగపప్పు – 2 టేబుల్ స్పూన్లు
మినప్పప్పు – 1 టేబుల్ స్పూన్
ధనియాలు – 1 టీ స్పూన్
జీలకర్ర – 1 టీ స్పూన్
వెల్లుల్లి రేకులు – 4
ఎండుమిరపకాయలు – 3-4 (తినేకారాన్ని బట్టి)
చింతపండు – కొద్దిగా


1.పొయ్యి వెలిగించి బాణలిలో కొద్దిగా నూనె వేసి శనగపప్పు,మినప్పప్పు,ధనియాలు,జీలకర్ర వేయించుకోవాలి.
2.ఇవన్నీవేగాక ఎండుమిరపకాయలు,వెల్లుల్లి వేసి వేయించుకోవాలి.
3.తరువాత శుభ్రం చేసుకున్న వాము ఆకులు వేసి మూత పెట్టి మగ్గనివ్వాలి.
4.అన్నీ చల్లారాక ముందుగా శనగపప్పు,మినప్పప్పు,ధనియాలు,జీలకర్ర,ఎండుమిరపకాయలు,వెల్లుల్లి,చింతపండు వేసి మిక్సీలో పొడి చేసుకోవాలి.
5.ఇందులోనే మగ్గిన వాము ఆకులు,ఉప్పు వేసి మెత్తగా నూరుకోవాలి.చివరగా పోపు వేసుకుంటే వాము ఆకులు పచ్చడి తయారైనట్టే.

చింతకాయ పచ్చడి

కావలసిన పదార్థాలు :
చింతకాయముడి పచ్చడి ..సుమారు పావు కేజీ
పచ్చిమిర్చి.. 75 గ్రా.
తాజా కొత్తిమీర.. ఒక కట్ట
జీలకర్ర.. ఒక టీ.
ధనియాలు.. 2 టీ.
వెల్లుల్లి.. ఒక టీ.
అల్లం.. చిన్న ముక్క
ఎండుమిర్చి.. మూడు
ఆవాలు.. కాసిన్ని

తయారీ విధానం :
 పచ్చిమిర్చిని వేయించి.. చల్లారాక పచ్చిమిర్చి, ధనియాలు, వెల్లుల్లి, అల్లం, చింతకాయముడి పచ్చడి, కొత్తిమీరలను కలిపి మెత్తగా రుబ్బాలి. తరువాత బాణలిలో నూనె వేసి ఎండుమిర్చి, ఆవాలు, జీలకర్ర... అన్నీ వేసి తాలింపు చేసి పచ్చడిలో కలపాలి. చింతకాయముడి పచ్చడి బదులు చింతపండు, పచ్చిమిర్చికి ప్రత్యామ్నాయంగా కారం వేసి కూడా ఈ పచ్చడి చేసుకోవచ్చు. అంతే నోరూరించే చింతకాయ పచ్చడి సిద్ధమైనట్లే..!

రేగుపండ్లు పచ్చడి

కావలసినవి 
రేగుపండ్లు - కప్పు
పచ్చిమిర్చి - 5 
పచ్చికొబ్బరి - అర కప్పు 
వెల్లుల్లి - 5 రెబ్బలు 
అల్లం - చిన్న ముక్క 
పుదీనా ఆకులు - 10
ఉప్పు - తగినంత 
కొత్తిమీర తరుగు 
- 2 టేబుల్ స్పూన్లు

పోపు కోసం...
మినప్పప్పు - టీ స్పూన్ 
జీలకర్ర, ఆవాలు - అర టీ స్పూన్
ఎండుమిర్చి - 2 
కరివేపాకు - రెమ్మ, నూనె - 3 టీ స్పూన్లు

తయారి 
శుభ్రమైన రేగుపండ్లను తీసుకొని, గింజలను వేరుచేసి, గుజ్జు తీసుకోవాలి. కడాయిలో టీ స్పూన్ నూనె వేసి, పచ్చిమిర్చి, వెల్లుల్లి, కొబ్బరి, పుదీనా, కొత్తిమీర వేసి వేయించుకోవాలి. 

వేయించి ఉంచుకున్న కొబ్బరి, పచ్చిమిర్చి, వెల్లుల్లి, పుదీనా, కొత్తిమీర, అల్లం, రేగుపండ్ల గుజ్జు, ఉప్పు... వీటిని రోట్లో/మిక్సర్‌జార్‌లో వేసి (మెత్తగా లేదా కచ్చాపచ్చాగా) రుబ్బుకోవాలి. ఈ మిశ్రమాన్ని గిన్నెలోకి తీసుకోవాలి.

స్టౌ మీద కడాయి పెట్టి రెండు టీ స్పూన్ల నూనె వేసి, పోపు గింజలు, ఎండుమిర్చి, కరివేపాకు వేసి తాలింపు పెట్టాలి. ఈ పోపును పచ్చడిలో వేసి కలపాలి. వేడి వేడి అన్నంలో నెయ్యి, రేగుపండ్ల పచ్చడి కలిపి తింటే రుచిగా ఉంటుంది. 

రేగుపండ్లు పచ్చడి

రేగుపండ్లు - పావుకేజి, పచ్చిమిరపకాయలు - 5
కారం - టీ స్పూన్‌, జీలకర్ర - టీ స్పూన్‌, 
ఆవాలు - టీ స్పూన్‌, మినుములు - టీ స్పూన్‌, కొత్తిమీర తరుగు - 2 టేబుల్‌ స్పూన్లు, 
ఉప్పు - తగినంత,
నూనె - 3 టీ స్పూన్‌లు, కరివేపాకు - ఒక రెమ్మ
తయారీ:
- కళాయిలో టీ స్పూన్‌ నూనె వేసి పచ్చి మిర్చిని వేయించుకొని, పక్కన పెట్టుకోవాలి. మిగిలిన నూనెలోనే మినుములు, జీలకర్ర, ఆవాలు విడివిడిగా వేపుకోవాలి. 
- వీటన్నింటినీ కలిపి మెత్తగా మిక్సీ పట్టుకోవాలి. దీనికి కొద్దిగా కారాన్ని కూడా కలుపుకోవాలి.
- రేగుపండ్లను కడిగి ఆరిన తర్వాత వాటిని కచ్చాపచ్చగా దంచుకోవాలి. దానికి ముందుగా మిక్సీ పట్టి పెట్టుకున్న కారం మిశ్రమాన్నీ కలపాలి. అన్ని కలిసే విధంగా పైపైన దంచుకోవాలి.
- పొయ్యి మీద కళాయి పెట్టి మిగిలిన నూనెను వేసి దానికి తాలింపు గింజలు, కరివేపాకు, కొత్తిమీర వేసి పోపు పెట్టుకోవాలి. ఈ తాలింపును పచ్చడిలో వేసి కలపాలి. అంతే రేగుపండ్ల పచ్చడి రెడీ..! దీనికి ఎలాంటి తడి తగలకుండా ఉంటే 10 రోజుల వరకూ నిల్వ ఉంటుంది.
దీనిని వేడివేడి అన్నంలో కలుపుకొని తింటుంటే.... మధ్యమధ్యలో తగిలే రేగుపండ్ల గింజలు.. ఆహా..! భలే రుచికరంగా ఉంటుంది లెండి!

మామిడికాయ ఆవకాయ పచ్చడి

కావలసిన పదార్థాలు

• మామిడికాయలు: 10
• ఉప్పు : 1/2 కేజీ
• కారం : 1/2 కేజీ
• ఆవపిండి : 1/2 కేజీ
• మెంతులు : 50గ్రా.
• శెనగలు : 50గ్రా.(నచ్చినవారు వేసుకోవచ్చు)
• వేరుశెనగ నూనె : 1 కేజీ

తయారీ విధానం

1. ముందుగా మామిడికాయలు ముక్కలుగా కోసినవి తెచ్చుకోవాలి.

2. ఆ ముక్కలను ఒక పెద్ద గుడ్డ(చీర ముక్క లాంటిది) మీద పరచాలి.

3. ఒక్కొక్క ముక్కను తీసుకొని, పాత గుడ్డతో శుభ్రంగా తుడిచి దానికి ఉన్న టెంకె పై పొరనంతా తీసివేయాలి.

4. ఒక పెద్ద బేసిన(విశాలమైన పాత్ర) తీసుకొని ఆ మామిడి ముక్కలను వేసి, వాటిపై ఉప్పు, కారం, ఆవపిండి వేసి బాగా అన్ని ముక్కలకు కలిసేలా కలపాలి.

5. తరువాత నూనె కూడా వేసి బాగా కలిపి ఒక జాడీ లో పెట్టాలి.

6. మూడవరోజు జాడీ మూత తీసి పచ్చడిని అంతా బాగా తిరగ కలపాలి.

7. ఇష్టమైన వారు పొట్టు ఒలిచిన వెల్లుల్లి పాయలను పచ్చడిలో కలుపుకోవచ్చు.

8. పచ్చడి నిల్వ ఉంచిన జాడీ( ప్లాస్టిక్ డబ్బా)ను ఒక్ చిన్న గుడ్డ ముక్కతో వాసర కడితే పచ్చడికి గాలి అస్సలు తగలక తోందరగా ఎండిపోదు, అలాగే రంగు మారదు.

చిక్కుడు ఊరగాయ

కావలసిన పదార్థాలు

• చిక్కుడుకాయ ముక్కలు. 2 కప్పులు
• చింతపండుగుజ్జు. 1 కప్పు
• కారం. 1/2 కప్పు
• నూనె. 1 కప్పు
• ఉప్పు. 1/4 కప్పు
• మెంతులు. 4 టీస్పూ//.
• పసుపు. 1 టీస్పూ//.
• మినప్పప్పు. 1 టీస్పూ//.
• సెనగపప్పు. 1 టీస్పూ//.
• కరివేపాకు. 2 రెబ్బలు
• వెల్లుల్లిపాయలు. 2
• ఆవాలు. 4 టీస్పూ//.

తయారీ విధానం

చిక్కుడుకాయ ముక్కలు శుభ్రంగా కడిగి పొడిబట్టమీద ఆరనివ్వాలి. చింతపండు గుజ్జుని ఓ బాణెలిలో వేసి ఉడికించాలి.

మరో బాణెలిలో సగం నూనె పోసి ఆరిన చిక్కుడుకాయల ముక్కలు వేసి వేయించాలి. తరువాత వీటిని చింతపండు గుజ్జులో వేయాలి.

ఇప్పుడు మిగిలిన నూనె కూడా బాణెలిలో పోసి పోపు సామాను అంతా వేసి ఎర్రగా వేయించాలి.

అందులోనే పొట్టు ఒలిచిన వెల్లుల్లి రెబ్బలు కూడా వేసి కొద్దిసేపు వేయించాలి. తరువాత కారం, కరివేపాకు వేసి అన్నింటినీ చింతపండు గుజ్జులో వెయ్యాలి.

ఉప్పు, పసుపు కూడా వేసి అన్నీ కలిసేలా బాగా కలిపి పొడిగా ఉన్న సీసాలో పెట్టుకోవాలి. ఒక రోజు ఊరితే బాగుంటుంది. అంతే చిక్కుడు ఊరగాయ రెడీ .

మామిడి పులిహోర ఆవకాయ

కావలసిన పదార్థాలు

• మామిడికాయలు. 6
• కారం. ½ కేజి
• ఆవాలు 25 గ్రా.
• వేయించిన మెంతి పొడి 50 గ్రా.
• వేయించిన ఆవాల పొడి 1 టీస్పూ//.
• ఉప్పు తగినంత
• పసుపు. తగినంత.
• మెంతులు 1 టీస్పూ//.
• ఇంగువ ½ టీస్పూ//.
• మిరపకాయలు 50 గ్రా.
• శనగపప్పు 50 గ్రా.
• మినప్పప్పు. 50 గ్రా.
• నూనె తగినంత

తయారీ విధానం

ముందుగా మామిడికాయలను చెక్కుతీసి తురిమి పక్కనుంచాలి.

తరువాత నూనె కాచి అందులో ఎండుమిర్చి, మెంతులు, ఆవాలు, శనగపప్పు, ఇంగువ, మినప్పప్పు, మెంతిపొడి, ఆవాలపొడి, తగినంత ఉప్పు, పసుపు, కారంపొడి వేసి బాగా కలపాలి.

ఈ మిశ్రమాన్ని జాడీలో వేసి... దానిపై మామిడి తురుమును వేసి కారం తురుముకు కలిసేలాగా చేసి నిల్వ చేసుకోవాలి.

మామిడి పిందెల ఊరగాయ

కావలసిన పదార్థాలు

• మామిడి పిందెలు : మూడు కప్పులు
• కారం. 1/2 కప్పు
• ఆవపిండి. 1/4 కప్పు
• పసుపు. 1/2 టీస్పూ//.
• ఇంగువ. 1/2 టీస్పూ//.
• సిట్రిక్ యాసిడ్. 1/2 టీస్పూ//.

తయారీ విధానం

మామిడిపిందెలని కడిగి నీడలో ఆరనివ్వాలి. తరవాత కాయలకు ఉప్పు, పసుపు పట్టించి ఓ ప్లాస్టిక్‌ డబ్బా లేదా జాడీలో పెట్టి మూతపెట్టాలి.

ఇలా వీటిని నాలుగురోజులు ఉంచాలి. కారం, సిట్రిక్‌ యాసిడ్‌, ఆవపిండి, ఇంగువ. అన్నింటినీ విడిగా కలిపి ఉంచాలి.

నాలుగురోజుల తరవాత ఈ కారం మిశ్రమాన్ని కాయలున్న జాడీలో వేసి బాగా కలిపితే మామిడి పిందెల ఊరగాయ రెడీ.!

ద్రాక్ష ఆవకాయ

కావలసిన పదార్థాలు

• పుల్లటి ద్రాక్ష కాయలు.. 1 కేజీ
• ఆవాలపొడి 2 టీస్పూ//
• కారం 4 టీస్పూ//
• ఉప్పు 2 టీస్పూ//
• జీలకర్ర పొడి 2 టీస్పూ//
• వెల్లుల్లి రేకలు 1 పాయ మొత్తం
• నూనె తగినంత

తయారీ విధానం

ద్రాక్ష కాయలను శుభ్రంగా కడిగి తడి లేకుండా తుడిచి ఆరబెట్టాలి.

బాగా ఆరిన తరువాత నిలువుగా రెండు ముక్కలుగా ద్రాక్షకాయలను కోసుకోవాలి.

ఒక గిన్నెలో ఆవపొడి, కారం, ఉప్పు, జీలకర్ర పొడి, వెల్లుల్లి రేకలను వేసి కలపాలి.

ఈ మిశ్రమంలో ద్రాక్ష ముక్కలతోపాటు సరిపడా కాచిన నూనె పోసి బాగా కలియబెట్టాలి.

గుజరాతీ పచ్చిమామిడి ఆవకాయ

కావలసిన పదార్థాలు

• పచ్చిమామిడి కాయలు (రాజపురి రకం ) 1 కేజీ
• మెంతులు 1 కప్పు
• ఉప్పు 1 ½ కప్పు
• కాశ్మీరీ కారం 1 ½ కప్పు
• ఆవపిండి 2 టీస్పూ//
• ఇంగువ 2 టీస్పూ//
• నువ్వుల నూనె తగినంత

తయారీ విధానం

మామిడికాయల్ని కడిగి ఆరనివ్వాలి.

వాటిని అంగుళం సైజు ఆవకాయముక్కల మాదిరిగా కోయాలి. ముక్కలని కాసేపు ఎండనివ్వాలి.

ఒక కప్పు నువ్వుల నూనెను మరిగించాలి. అందులో మెంతిపిండి, ఆవపిండి, ఇంగువ వేసి, బాగా కలిపి, ఓ పెద్ద స్టీలు గిన్నెలోకి మార్చాలి.

ఇప్పుడు పై మిశ్రమంలో ఆవకాయ ముక్కలు, ఉప్పు, కారం వేసి బాగా కలపాలి.

చివరగా ఓ పలుచని బట్టతో దీని మూతిని బిగించి కట్టాలి.

రెండు రోజుల తరువాత మరో రెండు కప్పుల నువ్వుల నూనెను వేయాలి. ఆపై దాన్ని జాడీలోకి మార్చుకోవాలి.

పచ్చడిమీద నూనె అంగుళం ఎత్తున తేలుతూ ఉండేలా చూసుకుంటే పాడవకుండా ఎక్కువ రోజులు నిల్వ ఉంటుంది.

దోస ఆవకాయ

కావలసిన పదార్థాలు

• గట్టి దోసకాయ పొట్టుతీయని ముక్కలు. 1 పెద్ద కప్పు,
• నూనె. 4 టీస్పూ//.
• కారం. 1 టీస్పూ//.
• ఉప్పు. 1 టీస్పూ//.
• ఆవపిండి. 1/4 టీస్పూ//.
• మెంతిపిండి.1/4 టీస్పూ//.
• ఇంగువపొడి. 1/4 టీస్పూ//.
• పసుపు. చిటికెడు

తయారీ విధానం

పొడిగిన్నెలో దోసకాయ ముక్కలు వేసి పసుపు, ఉప్పు, కారం, ఆవపిండి, మెంతిపిండి, ఇంగువ, నూనె అన్నీ వేసి కలపాలి.

కావలసినవారు మరికాస్త ఉప్పును, వెల్లుల్లినీ వేసుకోవచ్చు.

రెండో రోజుకు ముక్క ఊరి పచ్చడి చాలా రుచిగా ఉంటుంది.

బొప్పాయి ఊరగాయ

కావలసిన పదార్థాలు

• పచ్చిబొప్పాయి. పెద్ద కప్పు
• నూనె. 4 టీస్పూ//.
• నిమ్మరసం. 2 టీస్పూ//.
• కారం. 1 టీస్పూ//.
• ఉప్పు. తగినంత
• ఆవపిండి. 1/4 టీస్పూ//.
• మెంతిపిండి. 1/4 టీస్పూ//.
• ఇంగువ. చిటికెడు
• పసుపు. చిటికెడు

తయారీ విధానం

పొడి గిన్నెలో బొప్పాయి ముక్కలు వేసి ఉప్పు, కారం, ఆవపిండి, మెంతిపిండి, ఇంగువ, నిమ్మరసం, నూనె వేసి అన్నీ బాగా కలపాలి.

ఉప్పు కాస్త ఎక్కువ తినేవారు మరికాస్త వేసుకోవచ్చు.

రెండో రోజుకు ముక్క ఊరి పచ్చడి తినడానికి బాగుంటుంది. ఇష్టమైనవారు ఒక టీస్పూను వెల్లుల్లి తురుము కూడా వేసుకోవచ్చు.

అంతే సింపుల్‌గా తయారయ్యే బొప్పాయి పచ్చడి రెడీ.

సింధీల మామిడి ఊరగాయి

కావలసిన పదార్థాలు

• పచ్చిమామిడికాయలు. 2 కేజీలు
• మెంతిపొడి. 2 టీస్పూ//. .
• అనాసపువ్వు. 2 టీస్పూ//. .
• కారం. 150 గ్రా.
• ఉల్లి విత్తనాలు. 20 గ్రా.
• జీలకర్ర. 20 గ్రా.
• ఆవాలు. 20 గ్రా.
• పసుపు. 20 గ్రా.
• ఇంగువ. చిటికెడు
• ఆవనూనె. తగినంత
• ఉప్పు. సరిపడా

తయారీ విధానం

మామిడికాయల్ని కడిగి చిన్నముక్కలుగా కోసి ఎండలో పెట్టాలి. అనాసపువ్వు, జీలకర్ర, మెంతులు అన్నీ కలిపి మెత్తగా గ్రైండ్‌ చేయాలి.

తరువాత అందులో ఉల్లివిత్తులు, ఆవాలు, పసుపు, కారం, ఉప్పు, ఇంగువ కలపాలి.

ఇప్పుడు ఈ కారం మిశ్రమంలో ఆవనూనె వేసి కలపాలి. తరువాత ఎండబెట్టిన మామిడికాయ ముక్కల్ని వేసి బాగా కలపాలి.

దీన్ని జాడీలోకి పెట్టి కిటికీకి దగ్గరగా అంటే సూర్యకాంతి నేరుగా తగలకుండా ఉండేచోట 15 రోజులపాటు ఉంచాలి. తరువాత అల్మరాలో పెట్టుకోవచ్చు.

అయితే ఎప్పటికప్పుడు పచ్చడిపైన నూనె ఉందో లేదో చూసుకుంటూ, తగ్గితే కాస్త పోస్తూ ఉండాలి.

అంతే సింధీ ఆమ్‌ కా అచర్‌ సిద్ధమైనట్లే.

పల్లీల చట్నీ

కావలసిన పదార్ధాలు:

వేరుశనగ గుళ్లు	- 2 కప్పులు
కొబ్బరి పొడి		- 1 కప్పు
పుట్నాల పప్పు	- 1 కప్పు (వేయించినవి)
పచ్చిమిరపకాయలు	- 12
నూనె		- 2 టేబుల్‌  స్పూన్లు
జీలకర్ర, ఆవాలు	- 1 టేబుల్‌ స్పూను
ఎండుమిర్చి		- 3
పచ్చిశనగపప్పు	- 1 టేబుల్‌స్పూన్‌
మినపపప్పు		- 1 టేబుల్‌స్పూన్‌
వెల్లుల్లి		- 3 రెబ్బలు
కరివేపాకు		- 2 రెబ్బలు
చింతపండు		- కొద్దిగా
ఉప్పు		- సరిపడినంత

తయారు చేసే విధానం: 
వేరుశనగగుళ్లు వేయించి ఒక బౌల్‌లోకి తీసుకొని పక్కన పెట్టకోవాలి. ఒక గిన్నెలో కొద్దిగా నూనెవేసి అందులో పచ్చిమిర్చి, వెల్లుల్లి, జీలకర్ర వేయించి పెట్టకోవాలి. ఈ మొత్తానికి వేయించిన శనగగుళ్లు, పుట్నాల పప్పు, కొబ్బరిపొడి, ఉప్పు, చింతపండు వేసి మెత్తగా గ్రైండ్‌ చేసుకోవాలి. తరువాత ఒక గిన్నెలో రెండు టేబుల్‌ స్పూన్ల నూనె వేసి దాన్లో ఎండుమిర్చి, ఆవాలు, పచ్చిశనగపప్పు, మినపప్పు, దోరగా వేగాక కరివేపాకు వేయాలి. తరువాత ఆ పోపులో గ్రైండ్‌ చేసి ఉంచుకున్న పల్లీల చట్నీని వేయాలి. ఈ పల్లీల చట్నీని రాగిముద్దలో కలుపుకుని తింటే చాలా బాగుంటుంది. రాయలసీమ వాసులు రాగిముద్దలోకి ఈ పల్లీల చట్నీని ఇష్టంగా తింటారు.

వేరుశెనగపప్పు పచ్చడి

వేరుశెనగపప్పు - 2 cups
పచ్చి మిరపకాయలు - 8 - 10 
చింతపండు - 1 /4 th  నిమ్మకాయంత
ఉల్లిపాయ - 1 /2
ఉప్పు
పోపు కొరకు
ఆవాలు - 1 teaspoon
పచి శెనగపప్పు - 1  teaspoon
జీలకర్ర - 1 teaspoon
కరివేపాకు

ఒక బాండలి లో తగినంత నూనె పోసుకొని వేరుశెనగపప్పు ని, పచ్చి మిరపకాయలను కలిపి వేయించుకోవాలి.
వేయించిన వేరుశెనగపప్పు ని, పచ్చి మిరపకాయలను, చింతపండు, ఉల్లిపాయ, ఉప్పు ని కలిపి mixie  లో పేస్టు చేసుకోవాలి
వేరే pan  తీసుకొని కొంచం నూనె పోసుకొని పోపు పదార్థాలు వేయించి చేసుకొన్నా పేస్టు లోకి కలుపుకోవాలి.
అంతే వేరుశెనగపప్పు పచడి రెడీ. ఇడ్లి , దొశాలతో చాలా బావుంటుంది

మామిడికాయ తొక్కు పచ్చడి

కావలసిన పదార్థాలు

మామిడికాయ - 1 cup తురిమినది

ఎండు మిరపకాయలు - 20

ఆవాలు - 2 tablespoons

మెంతులు - 1 tablespoon

ఇంగువ - చిటికెడు

నూనె

పోపు కొరకు

ఆవాలు - 1 tablespoon

పచ్చి శెనగపప్పు - 1 tablespoon

జీల కర్ర - 1 teaspoon

తయారు చేసే విధానము

1  ముందుగ మామిడికాయ ముక్కలను తురిమి పక్కన పెట్టుకోవాలి.

2  ఎండు మిరపకాయలను దోరగా వేయించి పక్కన పెట్టుకోవాలి.

ఆవాలు, మెంతులను కూడా వేయించుకోవాలి.

ఎక్కువ వేగకుండా జాగర్త  పడాలి. ఎక్కువ వేగితే పచ్చడి చేదు వస్తుంది.

ఇంగువ వేసుకొని అన్నిటిని కలిపి పొడి చేసి పక్కన పెట్టుకోవాలి.

3  చేసుకొన్నా పొడిని, ఉప్పు ని మామిడికాయ తురుముతో కలుపుకోవాలి.

రోట్లో అయిన దంచుకోవచు లేదా grinder లో వేసి ఒకసారి తిప్పి కలపచ్చు

4 ఒక బాండలి లో నాలుగు గరిటెల నూనె పోసి కాగ పెట్టుకోవాలి.

నూనె వేడి చేసాక అందులో పోపు దినుసులు వేసి వేయించుకోవాలి.

ఈ నూనె ని చేసుకొన్నా మామిడికాయ తురుములో కలుపుకోవాలి.

బాగా కలుపుకోవాలి. నూనె పైకి తేలాలి. ఎందుకంటే పచ్చడి నూనె ని మొత్తం పీల్చు కుంటుంది.

అంతే మామిడికాయ తొక్కు పచ్చడి రెడీ. వేడి వేడి అన్నం తో తింటే ఎంతో బావుంటుంది.

పుదీనా పచ్చడి

పుదీనా - 1 కట్ట
కొబ్బరి తురుము  - 2 tablespoons
జీల కర్ర - 1 /2 teaspoon
పచ్చి మిరపకాయలు - 3 - 4
బెల్లం - 2 tablespoons
చింతపండు - 1 నిమ్మకాయంత
నూనె - 1 teaspoon
ఉప్పు

ఒక పాన్ లో నూనె వేడి చేసి అందులో జీల కర్ర, పచ్చి మిరపకాయలు, పుదీనా fry చేయాలి.
చింతపండు వేడి నీళ్ళల్లో 5 నిముషాలు ఉంచాలి.
చింతపండు రసం తీసి పక్కన పెట్టుకోవాలి.
ఇప్పుడు జీల కర్ర, పచ్చి మిరపకాయలు, చింతపండు రసం, బెల్లం, కొబ్బరి తురుము, పుదీనా, ఉప్పు ని పేస్టు చేసి పక్కన పెట్టుకోవాలి.
అంతే పుదీనా పచ్చడి రెడీ.