మిరపకాయతో బజ్జి

మిరపకాయతో... బజ్జి

కావలసినవి
మిరపకాయలు-పావుకేజి, శనగపిండి-పావుకేజి
తినేసోడా-చిటికెడు, ఉప్పు-తగినంత
వాము-సరిపడినంత, నూనె-100గ్రా
తయారుచేసే విధానం
ముందుగా మిర్చిలో కూరటానికి వాము, ఉప్పు కలిపి దంచి మసాలా తయారుచేసుకోవాలి. తరువాత పచ్చిమిర్చి తీసుకుని చాకుతో లేదా పిన్నీసుతో నిలువుగా గీరి మరిగిన నీటిలో వేసి ఒక ఉడుకురానిచ్చి తీసివేయాలి. తరువాత ఒక్కొక్క దానిలో నూరిన వాము, ఉప్పు మిశ్రమాన్ని కూరి ఉంచాలి. ఒక బేసిన్‌లో శనగపిండి, తగినంత ఉప్పు తినేసోడా తగినంత నీరు పోసి జారుగా కలపాలి. బాండీలో నూనె కాగిన తరువాత మిర్చి ముచ్చికను పట్టుకుని శనగపిండిలో ముంచి కాగిన నూనెలో వేసి ఒకవైపు రానిచ్చి పక్కన ఉంచి తీయాలి.