స్టఫ్డ్ మిర్చి బజ్జీ

స్టఫ్డ్ మిర్చి బజ్జీ కావలసిన పదార్థాలు : శెనగపిండి             - తగినంత,  ఉప్పు                   -రుచికి సరిపడా,  బేకింగ్ సోడా          - చిటికెడు,  పచ్చిమిర్చి           - పది,  స్టఫ్పింగ్ కోసం  ఉల్లిపాయలు       - సరిపడా,  వాము                - కొద్దిగా, నీళ్లు, నూనె         - సరిపడా. తయారుచేసే పద్ధతి :  శెనగపిండిలో నీళ్లు పోసి చిక్కటి పేస్ట్‌లా చేయాలి. ఇందులో బేకింగ్ సోడా, ఉప్పు వేసి కలపాలి.  తరువాత మిరపకాయల్ని నిలువుగా చీల్చి (రెండు ముక్కలు కాకూడదు) గింజలు తీసేయాలి.  వీటిని ఉప్పు వేసిన నీళ్లలో అరగంటపాటు నానపెట్టాలి.  ఆ తరువాత మిర్చిని ఆ నీళ్లలోనుంచి బయటకు తీసి టిష్యూ పేపర్ మీద ఉంచి నీటిని వత్తేయాలి.  ఉల్లిపాయను చిన్న ముక్కలుగా కోసి వాటిని పచ్చిమిర్చిలో కూరి శెనగపిండి మిశ్రమంలో ముంచి  నూనెలో వేగించాలి.