సమోసా రోల్స్

కావలసిన పదార్ధాలు:
మటన్/చికెన్/కూరగాయల ముక్కలు: 250grm
పసుపు: 1/2 tsp
కారం: 1/2 tsp
పచ్చిమిర్చి: 3
జిలకర్ర పొడి: 1/2 tsp
అల్లం: ఒక అంగుళం ముక్క(దంచినది)
కొత్తిమిర: 1/2 cup(తరిగినది)
అల్లం పేస్ట్: 1tsp
వెల్లుల్లి పేస్ట్: 1 tsp
నిమ్మరసం: 1/2 tbsp
నూనె: తగినంత
ఉప్పు: రుచికి సరిపడ

తడిపిండి (ముద్ద)కోసం:
మైదా పిండి: 150 grm
నెయ్యి: 2 tbsp
పెరుగు: 1 tbsp
ఉప్పు రుచికి తగినంత. రోలో చేసే ముందు కలిపిన ముద్దని అరగంటపాటు ఫ్రిజ్ లో ఉంచాలి.

తయారు చేయు విధానము:
1. మటన్ కీమాలో పసుపు, కారం, ఉప్పు, అల్లం వెల్లుల్లి పేస్ట్ కలిపి తగినంత నీరు చేర్చి మెత్తబడేదాకా ఉడికించుకోవాలి.
2. పాన్ లో కొత్తిమీర, పచ్చిమిర్చి, జీలకర్ర పొడి, దంచిన అల్లం వేసి వేగనిచ్చి కైమా వేసి నీరంగా ఆవిరైపోయాక దించి చల్లారనిచ్చి నిమ్మరసం పిండాలి.
3. పిండిముద్దను సమాన భాగాలుగా చేసుకొని చపాతీల్లా వత్తుకొని మధ్యలో కొంత కీమా మిశ్రమాన్ని పెట్టి రోల్ చేసి అంచుల్ని ఒత్తుకోవాలి.
4. తర్వాత ఒక్కొక్కటి నూనెలో దోరగా వేగించి టమోటో సాస్ తో తింటే చాలా రుచిగా ఉంటాయి.