కొబ్బరి వడలు

కావలసినవి:-
బియ్యంపిండి: 1cup
మైదా: 1cup
కొబ్బరి చిప్ప: సగం
పచ్చిమిరపకాయలు: 6
జీలకర్ర: 1/2 tsp
ఉప్పు: తగినంత
నూనె: సరిపడా
నీళ్ళు: 11/2 cup

తయారుచేసేవిధానం:
1. ముందుగా కొబ్బరి తురిమి ఉంచాలి. మైదా, బియ్యంపిండి కొబ్బరి తురుముతో కలపాలి.
2. మందంగా ఉన్న గిన్నెలో ఒకటిన్నర కప్పుల నీళ్ళు పోసి స్టవ్‌మీద పెట్టాలి.
3. ఇప్పుడు పచ్చిమిరపకాయలు, ఉప్పు, జీలకర్ర గ్రైండ్‌ చేసి నీళ్లలో వెయ్యాలి.
4. నీళ్ళు మరిగిన తరవాత ఒక స్పూను నూనె వేసి పిండి పోసి బాగా కలిపి దించాలి. చల్లారిన తరవాత కొద్దిగా నూనె రాసి నిమ్మకాయంత పిండి తీసుకుని, గుండ్రంగా వత్తి ఎర్రగా కాగిన నూనెలో వేయించి తియ్యాలి. ఇవి వేడివేడిగా తింటే బాగుంటాయి.