కావాల్సిన పదార్థాలు:
కాలిఫ్లవర్ - పావుకిలో,
ఆవపిండి - 100 గ్రా ,
కారం - 100 గ్రా ,
ఉప్పు - 100గ్రా ,
నిమ్మకాయలు - రెండు,
పసుపు - అర టీ స్పూను,
ఇంగువ - చిటికెడు.
తయారుచేయు విధానం: కాలిఫ్లవర్ ముక్కల్ని నీళ్లలో ఉడికించి దించుకోవాలి. ముక్కల్ని కాసేపు ఆరబెట్టుకోవాలి. రెండు టేబుల్స్పూన్ల నూనెని కాచి అందులో ఇంగువ వేసి పక్కన పెట్టుకోవాలి. ఇప్పుడు గిన్నెలో ఆవపిండి, కారం, ఉప్పు, పసుపు, కాలిఫ్లవర్ ముక్కలు వేసి బాగా కలుపుకోవాలి. ఇందులో కాచిన నూనె వేసి కలిపి నిమ్మరసం పిండాలి. దీన్ని సీసాలో పెట్టుకుని మిగిలిన నూనెని పచ్చడి పైన పోసుకోవాలి. మూడవరోజుకి కాలిఫ్లవర్ ఆవకాయ రెడీ. ఈ కాలిఫ్లవర్ ఆవకాయ రెండు నెలలు పాడవకుండా ఉంటుంది.
No comments:
Post a Comment