కారపు కాజాలు

కారపు కాజాలు

కావాల్సినపదార్థాలు:

గోధుమపిండి - రెండు కిలోలు,

సోపు - 50గ్రాములు,

పచ్చిమిర్చి - 100 గ్రాములు,

ఉల్లిపాయలు - 100 గ్రాములు,

ఉప్పు - తగినంత,

నూనె -రెండున్నర కిలోలు,

మైదా - 100 గ్రాములు,

నీళ్లు - తగినన్ని.

తయారుచేయువిధానం:

ముందుగా ఉల్లిపాయలను చిన్న చిన్న ముక్కలుగా చేసుకొని దోరగా వేయించి పక్కన పెట్టుకోవాలి. పచ్చిమిర్చిని ముద్గగా నూరుకోవాలి. ఒక గిన్నెలోకి గోధుమపిండి తీసుకోవాలి. ఇందులో సోపు, పచ్చిమర్చి ముద్ద, దోరగా వేయించి పెట్టుకున్న ఉల్లిపాయ ముక్కలు, తగినంత ఉప్పు, 50 గ్రాముల నూనె, తగినన్ని నీళ్లు వేసి ముద్దలా కలుపుకోవాలి.

(పూరి పిండికన్నా గట్టిగా ఉండాలి) కలిపిన పిండిని మూడు ముద్దలుగా చేసుకుని పక్కన పెట్టుకోవాలి. వీటిని చపాతీలుగా చేసుకోవాలి. ఈ చపాతీని డైమెండ్ ఆకారంలో చిన్న చిన్న ముక్కలుగా కట్ చేసుకోవాలి. ఇప్పుడు స్టౌ మీద వెడల్పాటి కడాయి పెట్టి తగినంత నూనె పోసి బాగా వెడెక్కాక ఈ ముక్కలు వేసి ఎరుపు రంగు వచ్చే వరకూ వేయించుకోవాలి.