రిబ్బన్ పకోడి

రిబ్బన్ పకోడి

కావాల్సిన పదార్థాలు:

శెనగపిండి - రెండు కిలోలు,

లవంగాల పొడి - 25గ్రాములు,

అల్లంవెల్లుల్లి, పచ్చిమిర్చి ముద్ద - 100గ్రాములు,

వరిపిండి - 100గ్రాములు,

ఉప్పు - తగినంత,

నూనె - రెండు కిలోలు,

నీళ్ళు - తగినన్ని.

తయారుచేయువిధానం: 

ముందుగా శెనగపిండిని ఉండలు లేకుండా మెత్తగా ఉండేలా జల్లించుకోవాలి. తరువాత అల్లం, వెల్లుల్లి, పచ్చిమిర్చి మూడు కలిపి రసంచేసుకుని తుక్కు లేకుండా వడపోసుకోవాలి. ఒక గిన్నెలో సీనాపిండి, లవంగాలపొడి, వరిపిండి, అల్లం, వెల్లుల్లి, పచ్చిమిర్చి రసం, తగినంత ఉప్పు, సరిపడా నీళ్లు పోసి గట్టిగా కలుపుకోవాలి. ఇప్పుడు స్టౌ మీద కడాయి పెట్టుకుని సరిపడా నూనె పోసి బాగా వేడెక్కాక రిబ్బన్ ఆకారపు బిళ్లవేసిన జంతికల గొట్టంలో ఈ పిండిని పెట్టి నూనెలో నొక్కాలి. అంతే రిబ్బన్ పకోడీలు రెడీ.