డ్రైఫ్రూట్ పాయసం

కావాల్సినవి:
-------------
అంజూర్ - 2
కిస్‌మిస్ - 10
ఎండుద్రాక్ష - 5
జీడిపప్పు - 5
బాదంపప్పు -5
బటర్ - 1 స్పూను
నెయ్యి - 1స్పూను
పంచదార - తగినంత
బియ్యం - 50గ్రాములు
పాలు - 1/2లీటరు
యాలకుల పొడి - చిటికెడు
తయారు చేయు విధానం:
------------------------------
ముందుగా అంజూర్, ఎండుద్రాక్ష, కిస్‌మిస్, జీడిపప్పు, బాదంపప్పు చిన్న చిన్న ముక్కలుగా చేసి పక్కన వుంచాలి. బియ్యం కడిగి ఉడికించి, పక్కన వుంచాలి. పాన్‌లో కొద్దిగా నెయ్యి వేసి డ్రై ఫ్రూట్స్ ముక్కలను దోరగా వేయించాలి. వాటిని పక్కన వుంచి అదే బాణలిలో బటర్ వేసి, ఆపై ఉడికిన అన్నం వేసి కాస్సేపు కలియపెట్టాలి. ఆ తరువాత దళసరి పాన్ లేదా గినె్నలో పాలు వేసి, కలుపుతూ పది, లేదా పదిహేను నిమషాల పాటు మరిగించాలి. పాలు మరుగుతుండగానే డ్రై ఫ్రూట్స్ ముక్కలు వేసి కలపుతూ, ఉడకనివ్వాలి. ఆపై తగినంత పంచదార వేసి, కరిగాక, ఉడికిన అన్నం వేసి, సన్న సెగన అయిదు, లేదా పదినిమషాల పాటు కలుపుతూ వుంచాలి. ఆపై యాలకల పొడి వేయాలి. సరియైన కుంకుమ పూవు లభిస్తే కనుక ఒక్కటి లేదా రెండు పూసలు వేయాలి. దీంతో మంచి రంగు, సువాసన వస్తుంది.