ఉగాది ప్రత్యేక వంటకాలు : ఉగాది పచ్చడి , బొబ్బట్లు, పులిహొర , మామిడికాయ పచ్చడి, మామిడి అన్నం , మామిడి కూర

ఉగాది ప్రత్యేక వంటకాలు

ఉగాది పచ్చడి బొబ్బట్లు పులిహొర మామిడికాయ పచ్చడి మామిడి అన్నం మామిడి కూర

ఉగాది పచ్చడి : వేప పువ్వు చేదు కొరకు పచ్చి మామిడికాయ వగరు కొరకు చింతపండు పులుపు కొరకు మిరపకాయ కారం కొరకు బెల్లం మరియు అరటిపండు ముక్కలు తీపి కొరకు ఉప్పు ఉప్పదనం కొరకు ఈ ఆరు రకాల రుచులు కలిపి చేసే మిశ్రమాన్ని ఉగాది పచ్చడి అంటారు. ఈ ఆరు రకాల రుచులు కూడా మనజీవితంలో ప్రతీసారి మనల్ని కదిలిస్తాయి. అవి బాధగా, ఆనందంగా, కోపంగా, భయంగా, ఆశ్చర్యంగా మన జీవితం ఉండాలని కోరుకుంటూ మనం దీనిని సాంప్రదాయబద్దంగా చేసుకుంటాము. కావలసిన పదార్థాలు : బెల్లం - 2 టీస్పూన్స్ చింతపండు - 1 1/2 టీస్పూన్ మామిడికాయ ముక్కలు ( సన్నగా తరిగినటువంటివి )- 1 1/2 టీస్పూన్ వేప పువ్వులు - 1 టీస్పూన్ నీరు - 1 కప్పు తయారుచేయు విదానం : ఒక కప్పులో నీరు తీసుకొని దానిలో చింతపండు వేసి 15 - 20 నిమిషాల పాటు నానబెట్టాలి. దాని నుండి గింజలు వేరు చేసి చింతపండు రసం తీయాలి. బెల్లాన్ని బాగా పొడిగా చేసి దానిలో కలియబెట్టాలి. తరువాత దానిలో మామిడికాయ ముక్కలు మరియు వేప పువ్వులు వేసి కలపాలి. దానిని దేవునికి నైవేద్యంగా పెట్టి పూజ చేసుకొని తరువాత ప్రతిఒక్కరు తప్పని సరిగా తినవలసిన ప్రసాదము ఈ ఉగాది పచ్చడి. ఉగాది పండుగ నాడు మొట్టమొదటగా తినవలసినదే ఈ ఉగాదిపచ్చడి.

బొబ్బట్లు : ఉగాది పండుగ నాడు మన ఆంద్రప్రదేశ్ లో తప్పనిసరిగా చేసుకొనే పిండివంటకం బొబ్బట్లు. దీని మీద నెయ్యివేసుకొనిగాని, పాలలో నంచుకొని గాని తింటారు. కావలసిన పదార్థాలు : బొబ్బట్టు లోపల పెట్టుటకు : పచ్చిపప్పు - 1 కప్పు పంచదార / బెల్లం - 1 1/2 కప్పు యాలుకలు - 8 పైన అద్దుటకు : మైదాపిండి - 1/2 కప్పు బియ్యపిండి - 1/2 కప్పు నూనె - 1 కప్పు తయారుచేయు విధానం : పచ్చిపప్పును శుభ్రంగా కడిగి దానిని బాగా ఉడకపెట్టాలి. మైదాపిండి, బియ్యపిండిని కొంచెం ఉప్పు వేసి నీటితో కలపాలి. అ మిశ్రమంలో 4 టేబుల్ స్పూన్స్ ఆయిల్ వేసి బాగా పిండి మిశ్రమము మృదువుగా వచ్చే విధంగా కలపాలి. ఆ మిశ్రమాన్ని 2 గంటలపాటు గాలి తగలకుండా ఉంచాలి. తరువాత ఉడికిన పప్పును తీసుకొని దానిలో ఎమైనా నీరు ఉంటే తీసివేసి దానిలో బెల్లం వేసి బాగా కలపాలి. (మిక్సీలో వేయవలెను). ఆ మిశ్రమాన్ని కొంచెం వేడి చేయవలెను. ఆ మిశ్రమం చల్లారిన తరువాత దానిని 10,12 గుండ్రంగా వుండలు చేసుకొనవలెను. మిదా పిండి మిశ్రమాన్ని తీసుకొని దానిని కూడా గుండ్రని వుండలుగ చేసుకొనవలెను. ఒక ప్లాస్టిక్ పేపర్ తీసుకొని దానిపై కొంచెం నూనె రాసి ఆ మైదా పిండి వుండను తీసుకొని చేతితో వెడల్పుగా చేయవలెను.అంచుల వద్ద మందంగాను, మద్యలో పలుచగాను వుండే విధంగా చేయవలెను. తరువాత దానిపై పప్పు బెల్లం కలిపిన మిశ్రమంతో చేసిన వుండను మద్యలో వుంచి మైదా పిండి అంచులతో దానిని కప్పివేయాలి. అదే విధంగా అన్ని వుండలను చేయాలి. తరువాత దానిని తీసుకొని చపాతిలాగా జాగ్రత్తగా వత్తాలి. దానిని పెనంపై నూనెతో కాని, నెయ్యితో కాని కాల్చుకోవాలి.

పులిహొర: కావలసిన పదార్థాలు: బియ్యం - ఒకటిన్నర కప్పు చింతపండు - తగినంత పచ్చిమిరపకాయలు - 3(నిలువుగా తరగాలి) కరివేపాకు పచ్చిపప్పు - 1 టీస్పూన్ వేరుశనగగుళ్ళు - 1 కప్పు జీడిపప్పు ఎండుమిరపకాయలు - 4 పోపు గింజలు - 1/2 స్పూన్ అల్లం మిశ్రమం నూనె - తగినంత పసుపు - 1టీస్పూన్ ఇంగువ - తగినంత ఉప్పు - తగినంత తయారు చేయు విధానము: మొట్టమొదట వండిన అన్నాన్ని ఒక పాత్రలోనికి తీసుకోవాలి. తరువాత పొయ్యిమీద ఒక బాండీలో నూనె పోసి వేడిచేసి దానిలో పోపు గింజలు వేసి వాటిని వేయించిన తరువాత దానిలో జీలకర్ర,వేరుశనగగుళ్ళు,జీడిపప్పు,పచ్చిపప్పు,అల్లం మిశ్రమం,పచ్చిమిరపకాయలు,ఎండుమిరపకాయలు మరియు కరివేపాకు వేసి బాగా వేయించాలి.ఆ మిశ్రమం మొత్తాన్ని అన్నం ఉన్న పాత్రలోనికి వేయాలి. మరల బాండీలో కొంచెం నూనె వేసి చింతపండు రసం వేయాలి,కొంచెం పసుపు,ఉప్పు,ఇంగువ వేసి బాగా కలియబెట్టి ఆ మిశ్రమాన్ని నూనె కలిసేవిదంగా తెరలనివ్వాలి. ఇప్పుడు ఈ మిశ్రమాన్ని కూడా అన్నం లో పోయాలి. ఇప్పుడు ఆ పాత్రలో ఉన్న అన్నాన్ని బాగా కలియబెట్టాలి.కలిపిన తరువాత కొంచెం సమయం (చింతపండు మిశ్రమం పీల్చుకునేంత వారకు)మూతపెట్టాలి.

మామిడికాయ పచ్చడి : 3/4 కప్పు పచ్చడి చేయుటకు కావలసిన పదార్థాలు : మామిడికాయ - 1 కారం - 1 లేదా 2 స్పూన్స్ పసుపు - 1/2 టీస్పూన్ వెల్లుల్లిపాయ - 1 కొత్తిమేర - 1 టీస్పూన్(తరిగినవి) ఉప్పు - తగినంత పచ్చడికి పోపు(తిరగమాత) పెట్టుకోవాలనుకుంటే క్రింది వస్తువులు కూడా కావలెను: ఆవాలు - 1 టీస్పూన్ జీలకర్ర - 1 టీస్పూన్ ఇంగువ - కొంచెం (చిటెకెడు) కరివేపాకు - కొంచెం తయారుచేయు విధానం : మామిడికాయను 1/2 అంగుళం ముక్కలుగా తరగాలి. ఒక గిన్నెలో వెల్లుల్లిపాయ, మామిడికాయ ముక్కలు, ఉప్పు, కారం, కొత్తిమేర వేసి బాగా కలియబెట్టాలి. ఆ మిశ్రమాన్ని తీసి విడిగా వేరే గిన్నెలో పెట్టుకోవాలి. ఇప్పుడు కొంత మిశ్రమం తీసుకొని దానికి పోపు పెట్టుకోవాలి. కొంచెం నూనెలో ఆవాలు, జీలకర్ర, కరివేపాకు వేసి దానిలో కొంచెం ఇంగువ వేసి దానిని మామిడికాయ ముక్కల మిశ్రమంలో వేసి బాగా కలపాలి.

మామిడి అన్నం : కావలసిన పదార్థాలు : వేరుశెనగపప్పులు - 4 టేబుల్ స్పూన్స్ కరివేపాకు బియ్యం - 150 గ్రాములు మిశ్రమం తయారుచేయుటకు : పసుపు - 1/2 టీస్పూన్ ఆవాలు - 1 1/2 టీస్పూన్ ఎండుమిరపకాయలు - 5 తురిమిన మామిడి - 1 1/2 కప్పు కొబ్బరి తురిమినది - 4 టేబుల్ స్పూన్స్ ఇంగువ - 1/2 టీస్పూన్ పోపుకు కావల్సిన పదార్థాలు : పచ్చిపప్పు - 1 టేబుల్ స్పూన్ ఎండుమెరపకాయ - 1 ఆవాలు - 1 టీస్పూన్ కరివేపాకు నూనె - 3 టేబుల్ స్పూన్ తయారుచేయు విధానం : మొట్టమొదటగా అన్నాన్ని వండుకొని దానిని చల్లరపెట్టుకోవాలి. మిశ్రమం చేయుట కొరకు అవాలు, ఇంగువ, ఎండుమిరపకాయలు, పసుపు మరియు తురిమిన కొబ్బరికి తీసుకొని బాగా కలపాలి. తరువాత దానిలో సగం తురిమిన మామిడిని వేయాలి దీని అంతటిని బాగా మిశ్రమంగా చేయాలి. పోపు పెట్టుటకు ఒకపాత్రలో కొంచెం నూనె వేసి వేడిచేయవలెను. దానిలో పచ్చిపప్పు, ఆవాలు, మిరపాక, కరివేపాకు వేయవలెను. అవి బాగా వేగిన తరువాత దానిలో వేరుశెనగపప్పు వేసి వేయించవలెను. అది బంగారు రంగులోకి వచ్చే విధంగా వేయించిన తరువాత మిగిలిన మామిడి తురుమును కూడా వేసి వేయించవలెను. దానిని కొంచెం తక్కువ మంటపై వేడి చేయవలెను దానిలో మనము తయారు చేసిన మిశ్రమాన్ని కలిపి దానిలో ఉన్న పచ్చి వాసన పోయేవరకు దానిని వేయించవలెను. ఆ మిశ్రమం మొత్తాన్ని ఒక పాత్రలో తీసుకొని ఉంచండి. చల్లారబెట్టిన అన్నాన్ని తీసుకొని దానిలో తగినంత ఉప్పు మరియు కరివేపాకులను కలిపాలి. మిశ్రమాన్ని తీసుకొని ఆ అన్నంలో వేసి కలుపుకోవాలి.

మామిడి కూర : కావలసిన పదార్థాలు : జీలకర్ర - 1/2 టీస్పూన్ నూనె - 1 టేబుల్ స్పూన్ బెల్లం - 1 టేబుల్ స్పూన్ ఎండు మెరపకాయలు - 6 ఉప్పు - తగినంత తురిమిన కొబ్బరి - 1/2 కప్పు ఉల్లిపాయ - 2 తరిగినవి మామిడికాయలు - 250 గ్రాములు వెల్లుల్లి రెబ్బలు - 6 కొత్తిమేర - 1టీస్పూన్ పసుపు - 1/2 టీస్పూన్ అల్లం - 1 ముక్క తయారుచేయు విధానం : మామిడికాయల తొక్కు తీసుకొనవలెను. లోపల ఉన్న టెంకెను తీసివేసి చిన్న చిన్న ముక్కలుగా చేయవలెను. ఆ ముక్కల్ని కడిగి శుభ్రంగా చేసుకొనవలెను. తరువాత కొబ్బరి, మిరపకాయలు, అల్లం, వెల్లుల్లి, కొత్తిమేర మరియు జీలకర్ర తీసుకొని బాగా మిశ్రమం చేసుకోవలెను. ఒక పాత్రలో నూనె తీసుకొని దానిలో ఉల్లిపాయల ముక్కలు వేసి బాగా వేయించవలెను. తరువాత దానిలో మనము తయారుచేసిన మిశ్రమాన్ని వేసి బాగా కలిపి వేయించవలెను. దానిలో మామిడికాయ ముక్కల్ని మరియు బెల్లాన్ని వేసి బాగా కలిపి ఒకగ్లాసు నీరు పోయాలి. దానిలో తగినంత ఉప్పు వేసుకొని తక్కువ మంటపై వుంచి కూరను తయారుచేసుకోవాలి.