బెండకాయ పచ్చడి

కావలసిన పదార్థాలు

• బెండకాయలు. 1/4 కిలో
• ఎండుమిరప కాయలు. 10
• చింతపండు. నిమ్మకాయంత.
• పసుపు, ఇంగవ. చిటికెడు
• పోపు దినుసులు. 3 టీస్పూ//.

తయారీ విధానం

బెండకాయల్ని శుభ్రం చేసుకుని ఆరబెట్టి ముక్కలుగా తరిగి పక్కన పెట్టుకోవాలి.

వేడయిన బాణెలి లో నూనెను పోసి వేడయ్యాక బెండకాయ ముక్కల్ని వేసి వేయించాలి. బాగా వేగాక ఆ బాణెలి ని స్టౌవ్‌మీద నుంచి దించి పక్కన పెట్టుకోవాలి.

మరో బాణెలి లో నూనెను పోసి బాగా కాగాక అందులో పోపు దినుసులు, ఎండుమిరపకాయలు, పసుపు, ఉప్పు వేసి వేయించి తీసి కాసేపు ఆరబెట్టిన తరువాత రోట్లో వేసి దంచుకోవాలి.

దీనికి చింతపండును కలిపి నూరి, ఆపై వేయించిన బెండకాయ ముక్కల్ని కూడా కలిపి దంచాలి.

తరువాత నూరిన పచ్చడిని తీసి పోపు పెట్టుకోవాలి. అంతే బెండకాయపచ్చడి రెడీ.