బఠానీ చాట్

కావలసిన పదార్థాలు :
ఎండు బఠానీలు     -         2 కప్పులు 
బేకింగ్ సోడా          -         అరటీస్పూన్ 
ఇంగువ               -          చిటికెడు 
చింతపండు చట్నీ  -          కొద్దిగా
గ్రీన్ చట్నీ            -          కొద్దిగా 
బంగాళాదుంపలు  -          రెండు 
ఉల్లిపాయ            -          ఒకటి 
టొమాటో             -          ఒకటి
కీరా                    -          ఒకటి
నిమ్మరసం           -           కొద్దిగా 
ఉప్పు                 -          రుచికి సరిపడా 
కారం                  -           టీస్పూన్ 
గరం మసాలా       -            టీస్పూన్ 
బ్లాక్ సాల్ట్            -            టీస్పూన్ 
జీలకర్ర పొడి         -            అరటీస్పూన్ 

తయారుచేసే పద్ధతి:

• ఓ గిన్నెలో బఠానీలు వేసి మునిగే వరకు నీళ్ళు పోసి రాత్రంతా నానబెట్టాలి.
• ఉదయాన్నే బఠానీలను ఫ్రెషర్ కుక్కర్ లో వేసి సోడా, ఉప్పు, ఇంగువ వేసి ఉడికించాలి. తరువాత నీళ్ళు వంపేసి బఠానీలను ఓ గిన్నెలో వేయాలి.
• బంగాళాదుంపలను ఉడికించి, పొట్టు తీసి చిన్న ముక్కలుగా కోయాలి.
• ఉల్లిపాయ, టొమాటో, కీరా దోస అన్నింటిని చిన్న ముక్కలుగా కోయాలి. వీటికి బంగాళాదుంపలు కూడా చేర్చి కలపాలి.
• ఇప్పుడు ఓ ప్లేటులో రెండు టేబుల్ స్పూన్ల బఠానీలు వేసి వాటి మీద కొద్దిగా ఉల్లిముక్కల మిశ్రమం వేసి గరం మసాలా, బ్లాక్ సాల్ట్, జీలకర్ర పొడి చల్లాలి. వీటిమీద కొద్దిగా చింతపండు చట్నీ, గ్రీన్ చట్నీలు వేసి నిమ్మరసం పిండి అందించాలి.