బట్టర్ పుడ్డింగ్

కావల్సిన పదార్థాలు: 
బ్రెడ్: 10 slice 
పాలు: 300 ml 
వెన్న: 70gms(కరిగించుకోవాలి) 
బ్రౌన్ షుగర్: 80gms 
స్పైస్ పొడి: 2tbsp
 గుడ్లు: 2 (కొట్టిన)
 డ్రై ఫ్రూట్స్: 180gms(blackcurrant, orange peels and raisins) 
జాజికాయ: 1tbsp(తురుము కోవాలి) 

తయారుచేయు విధానం: 
1. ముందుగా ఒక వెడల్పాటి గిన్నెలో బ్రెడ్ ముక్కలను బ్రేక్ చేసి పెట్టుకోవాలి 
2. తర్వాత ఈ బ్రెడ్ ముక్కల మీద పాలు పోయాలి. ఇప్పుడు ఈ మిశ్రమాన్ని పేస్ట్ లా కలుపుకోవాలి. 
3. కలిపిన ఈ మిశ్రమాన్ని అరగంట పాటు పక్కన పెట్టుకోవాలి. 
4. తర్వాత హాఫ్ లీటర్ బేకింగ్ డిష్ తీసుకొని, దానికి బట్టర్ ను రాసిపెట్టాలి. 
5. ఇప్పుడు కరిగించి పెట్టుకొన్న వెన్న, బ్రౌన్ షుగర్, గుడ్లు, మరియు స్పసీలను అన్నింటిని ఒక గిన్నెలో వేసి బాగా గిలకొట్టాలి. 
6. తర్వాత ఈ మిశ్రమంలో ముందుగా పాలతో మ్యారినేట్ చేసి పెట్టుకొన్న బ్రెడ్ పేస్ట్ ను, పాలతో సహా ఇందులో పోయాలి. 
7. అలాగే ఇందులో డ్రై ఫ్రూట్స్ ను కూడా వేసి, బాగా మిక్స్ చేసుకోవాలి. 
8. తర్వాత ఈ మొత్తం మిశ్రమానికి జాజికాయ తురుమును కూడా వేసి బాగా మిక్స్ చేయాలి.
 9. ఇప్పుడు ఈ మొత్తం మిశ్రమాన్ని బేకింగ్ వోవెన్ లో పెట్టి 35నిముషాలు, గోల్డెన్ బ్రౌన్ కలర్ లోకి వచ్చే వరకూ బేక్ చేయాలి. అంతే ఇప్పుడు మీకు నోరూరించే బ్రేక్ ఫాస్ట్ రిసిపి బట్టర్ పుడ్డింగ్ రెడీ. ఈ నోరూరించే పుడ్డింగ్ ను చల్లచల్లగా లేదా వేడిగా కూడా తినవచ్చు.

క్రిస్మస్ పుడ్డింగ్

కావలసిన పదార్థాలు:
పాలు: 1ltr 
పంచదార: సరిపడినంత
 ఆరెంజ్ తొనలు: 12-14(గింజలు తీసినవి) 
యాపిల్‌: 1(పై పొట్టు, గింజలు తీసి చిన్న చిన్న ముక్కలుగా తరిగాలి) 
ఆపిల్: 1 (తోలుతో సహా లావుపాటి ముక్కలుగా తరిగినవి) 
కిస్‌మిస్‌లు, బాదం, జీడిపప్పు, పలుకులు: 1cup 
బ్రెడ్‌ స్లైస్: 4-6 
బేస్‌ తయారీకి చిన్నచిన్న ముక్కలుగా చిదిమిన బిస్కెట్‌లు : 2cups 
వెన్న: 3tbsp 

తయారు చేయు విధానం: 
1. ముందుగా బేస్‌ తయారీకి: బిస్కట్‌ ముక్కలకి వెన్నని బాగా పట్టించి ఈ మిశ్రమాన్ని బేకింగ్‌ డిష్‌ అడుగుభాగంలో సర్ది కదలకుండా ఉండేలా చేతులతో ఒత్తండి. 
2. ఈ గిన్నెని గంటపాటు ఫ్రిజ్‌ లో ఉంచండి. ఆలోపు ఫుడ్డింగ్‌ ని తయారుచేసుకోండి. తాజా బ్రెడ్‌ ముక్కలని చిన్నచిన్న ముక్కలుగా తుంచి పెట్టుకోండి.
 3. తర్వాత మందపాటి గిన్నెలో పాలుపోసి సగమయ్యేదాకా సన్నని సెగమీద మరిగించండి. దించి పంచదార, బ్రెడ్‌ముక్కలు వేసి కలిపి చల్లారనివ్వండి. 
4. తరువాత కోసి ఉంచుకున్న ఆపిల్‌ ముక్కలు, డ్రైఫ్రూట్స్‌ వేసి కలిపి బేస్‌ తయారుచేసి ఉంచుకున్న గిన్నెలో పోయండి. గిన్నెను కుక్కర్‌లో పెట్టి పది పన్నెండు నిమిషాలు సన్నని సెగమీద ఉడికించండి. అప్పటికి సగం ఉడుకుతుంది. 
5. దానిమీద చుట్టూ గుండ్రంగా ఆపిల్‌ముక్కలు సర్ది మళ్లీ పన్నెండు నిమిషాలు ఆవిరి మీద ఉడికించాలి. తరువాత దించి మూత తీసి చల్లారనివ్వాలి. దీనిని కనీసం రెండుమూడు గంటల ఫ్రిజ్‌ లో ఉంచి తింటే చాలా బాగుంటుంది.

క్యారెట్ శాండ్‌విచ్ స్ప్రెడ్

కావలసిన పదార్థాలు :
మొలకెత్తిన పెసలు... రెండు కప్పులు
క్యారెట్ ముక్కలు... ఒక కప్పు
ఉల్లిపాయముక్కలు... ఒక కప్పు
కొత్తిమీర... కొద్దిగా
బ్రెడ్... ఒక ప్యాకెట్
క్యాప్సికమ్ ముక్కలు... ఒక కప్పు
నూనె, ఉప్పు... తగినంత

తయారీ విధానం :
మొలకెత్తిన పెసలు ఉడకబెట్టి, వడకట్టి ఉంచాలి. పాన్‌లో నూనె, ఆవాలు, పచ్చిమిర్చి, క్యారెట్, క్యాప్సికమ్, ఉల్లిముక్కలను వేసి వేయించాలి. దాంట్లో ఉడికించిన పెసలు కలిపి మరో ఐదు నిమిషాలపాటు వేయించి చివర్లో కొత్తిమీర కలపాలి.ఇప్పుడు బ్రెడ్‌కు చుట్టూ బ్రౌన్ కలర్లో ఉన్న దాన్నంతా తీసివేసి... నెయ్యిపూసి, కడాయిలో గోల్డ్ కలర్ వచ్చేదాకా రెండువైపులా కాల్చాలి.

ఇలా చేసిన ప్రతి రెండు బ్రెడ్ పీసుల మధ్యలో పైన తయారు చేసుకున్న పెసల మిశ్రమాన్ని ఉంచి తినాలి. అంతే క్యారెట్ శాండ్‌విచ్ స్ప్రెడ్ తయారైనట్లే..! ఎన్నో పోషకాలు కలగలసిన ఈ వంటకం ఆరోగ్యానికి ఎంతగానో మేలు చేస్తుంది.

వెజిటబుల్ చీజ్ శాండ్‌విచ్

 

కావలసినవి: హోల్ వీట్ బ్రెడ్ - 2 స్లైసులు, చీజ్ స్లైసులు - నాలుగు టొమాటో స్లైసులు - 2, కీరా స్లైసులు - 4 లెట్యూస్ - 2 ఆకులు, క్యారట్ తురుము - టేబుల్ స్పూన్ మయోనైజ్ (మార్కెట్లో లభిస్తుంది) - తగినంత తయారి: బ్రెడ్ సైడ్స్ కట్ చేసి, ఒకవైపు మయోనైజ్, చీజ్‌ను స్ప్రెడ్ చేయాలి. టొమాటో, కీరా స్లైసులు, లెట్యూస్, క్యారట్ తురుము వేసి, పైన మరో బ్రెడ్ స్లైసును ఉంచాలి. రెండు బ్రెడ్ స్లైసులను గట్టిగా అదిమి, సిల్వర్ ఫాయిల్‌లో చుట్టి, స్నాక్ బాక్స్‌లో పెట్టాలి.

పెప్పరోని పిజ్జా

 

కావలసినవి: మైదాపిండి - 140 గ్రా. గుడ్డులోని పచ్చసొన - టీ స్పూన్ నీళ్లు - 10 మి.లీ పాలు - 5 మి.లీ ఉప్పు - రుచికితగినంత తయారి: పిజ్జా బేస్ కోసం మైదా, పచ్చసొన, నీళ్లు, పాలు, ఉప్పు వేసి బాగా కలపాలి. ఇలా కలిపిన పిండి ముద్దపై ఒక గిన్నెను బోర్లించి, గంట సేపు ఉంచాలి. పిజ్జా పైన... టొమాటో ప్యూరీ - 20 గ్రా. మోజరెల్లా ఛీజ్ - 100 గ్రా. చికెన్ సాసేజ్ (మార్కెట్లో లభిస్తుంది) - 80 గ్రా. చికెన్ సలామీ - తగినంత, వెల్లుల్లిపేస్ట్ - 5 గ్రా. ఎండుమిర్చి (కచ్చాపచ్చాగా దంచాలి) - అర టీ స్పూన్   తయారి: పాన్‌లో పిండి మిశ్రమాన్ని వెడల్పుగా పరచి బేస్ తయారుచేయాలి. దాని పైన టొమాటో ప్యూరీ, మోజరెల్లా ఛీజ్, చికెన్ సాసేజ్, చికెన్ సలామి, వెల్లుల్లి, పండు మిర్చి వేసి, పైన మూత పెట్టాలి. అవెన్‌లో అయితే పది నిమిషాలు, స్టౌ మీద అయితే పిజ్జా ఉడికేంత వరకు సన్నని మంట మీద ఉంచాలి.

కమలా లేక బత్తాయి జ్యూస్

కమలా లేక బత్తాయి జ్యూస్

         కమల లేక బత్తాయి రసం -1 లీటరు
         పంచదార -1 3/4 కే .జిలు
         నీరు - 1 1/4 లీటరు
        ఆరంజ్ ఎస్సెన్స్  లేక ఎమల్షన్ -4 టీస్పూనులు
        ఆరంజ్ రెడ్ కలర్ -1/2 స్పూను
       పొటాషియం మెటా బై సల్ఫేట్ లేక సోడియం బెంజాఎట్ - 3/4 టీస్పూను    

                  కమలా లేక బత్తాయి రసం తీసి వడకట్టి,పంచదార కరగనిచ్చి వడకట్టి చల్లారిన తర్వాత నిమ్మ ఉప్పు
లేక సిట్రిక్ యాసిడ్ ,ఆరంజ్ ఎస్సెన్స్ ,సోడియం బెంజాఎట్ ని సీసాలలో నింపుకోవాలి.1 లీటరు జ్యూస్ కి 5 సీసాలు
అవుతుంది.1 గ్లాసు రసంకి 3 గ్లాసులు చల్లటినీళ్ళు కలిపి సర్వ్ చెయ్యాలి.

బీట్‌రూట్- క్యారట్ జ్యూస్

 

కావలసినవి: బీట్‌రూట్ జ్యూస్ - అర కప్పు క్యారట్ జ్యూస్ - అర కప్పు వెల్లుల్లి - అర ముక్క (క్రష్ చేయాలి) ఉప్పు - రుచికి తగినంత నిమ్మరసం - అర టీ స్పూన్ పంచదార - చిటికెడు తయారి: ఈ పదార్థాలన్నీ కలిపి మిక్సర్ జార్‌లో వేసి బ్లెండ్ చేయాలి. చల్లగా సేవించాలనుకునేవారు ఐస్ క్యూబ్స్ వేసుకోవాలి. ఈ జ్యూస్ లో బీపీని వెంటనే సాధారణ స్థితికి తీసుకువస్తుంది.

ఇడ్లీ – జీడిపప్పు ఉప్మా స్పెషల్ బ్రేక్ ఫాస్ట్ :

ఇడ్లీ – జీడిపప్పు ఉప్మా స్పెషల్ బ్రేక్ ఫాస్ట్ :

ప్రతి రోజూ బ్రేక్ ఫాస్ట్ లో ఇడ్లీ, దోస, ఉప్మా కామన్. ప్రతి రోజూ ఇవేనా అని పిల్లలు మారాం చేస్తుంటారు. రోజూ చేసేవే అయినా, కొంచెం వెరైటీగా చేస్తే పిల్లలు పెద్దలు ఇష్టంగా తింటారు. లెఫ్ట్ ఓవర్ ఇడ్లీలను ఒక్కోసారి వేస్ట్ అవుతుంటాయి. అలాకాకుండా కొంచెం వెరైటీగా ఉప్మా చేసి పెడితే అందరూ తింటారు..

 కావలసిన పదార్థాలు:

ఇడ్లీలు: 4 – 6 

జీడిపప్పులు: 10-15

 పచ్చిబఠాణీ: 1/2కప్పు 

క్యారట్ తురుము: ½ కప్పు

 నిమ్మరసం: 1 కప్పు

 పెద్ద ఉల్లిపాయ: 1(సన్నగా కట్ చేసుకోవాలి), 

పచ్చిమిర్చి: 2-4(నిలువుగా కట్ చేసుకోవాలి) 

తాలింపు గింజలు(ఆవాలు, శెనపప్పు, ఉద్దిపప్పు): 1టేబుల్ స్పూన్

 నూనె: సరిపడా

 పసుపు: చిటికెడు

 కరివేపాకు: రెండు రెమ్మలు

 కొత్తిమీరతరుగు: 2 టేబుల్ స్పూన్

 ఉప్పు: రుచికి తగినంత

తయారు చేయు విధానం:

1. ముందుగా ఇడ్లీలను ఒక ప్లేట్‌లో పొడిపొడిగా చేసి ఉంచుకోవాలి.

2. తర్వాత ఫ్రైయింగ్ పాన్ లో నూనె వేడి చేసి అందులో తాలింపు వేయించాలి. బాగా వేగిన  తరవాత పచ్చిమిర్చి తరుగు, ఉల్లి తరుగు, వేసి వేయించాలి.

3. తరవాత పచ్చిబఠాణీ, కరివేపాకు, జీడిపప్పులను జత చేయాలి. అన్నీ బాగా వేగాక, అందులో ఇడ్లీ పొడి, పసుపు, ఉప్పు వేసి కలిపి, ఆ పైన క్యారట్ తురుము చల్లాలి. ఈ మిశ్రమాన్ని ఒక డిష్‌లోకి తీసుకుని కొత్తిమీర, నిమ్మరసం, జీడిపప్పు పలుకులు వేసి కలిపి అల్లం చట్నీతో సర్వ్ చేయాలి. అంతే జీడిపప్పు ఇడ్లీ ఉప్మా రెడీ.

కర్బూజ(పుచ్చకాయ)జ్యూస్

కావలసిన పదార్థాలు: 
పుచ్చకాయ ముక్కలు: 2cups 
మిరియాల పొడి: 2tsp 
ఉప్పు: చిటికెడు 
తేనే: 1tsp 
పంచదార: 1tbsp 
పుదీనా ఆకులు : 3 
ఐస్‌ ముక్కలు: సరిపడినన్ని (ఇష్టమైతే వేసుకోవచ్చు)

 తయారు చేయు విధానం: 
1. మొదటగా మందాపాటి కవచం నుండి పుచ్చకాయ ముక్కలను వేరు చేసి కట్ చేసి పెట్టుకోవాలి. 
2. తర్వాత మిక్సీలో పుచ్చముక్కలు, పంచదార, మిరియాల పొడి, పుదీనా ఆకులు, ఉప్పు గ్రైండ్‌ చెయ్యాలి. 
3. దీన్ని అరగంట ఫ్రీజర్‌ లో పెట్టి తర్వాత బయటకు తీసి అందులో తేనె, కావలసినంత ఐస్ ముక్కలు వేసి, పుదీనా ఆకుతో గార్నిష్ గా అలంకరించి సర్వ్‌ చేయండి. ఎంత ఎండలో వచ్చిన వారైనా ఈ పానీయం తాగితే కూల్‌ కూల్‌ అయిపోతారు.

ఆరెంజ్-బనానా జ్యూస్

కావలసిన పదార్థాలు: 
ఐస్ క్యూబ్స్: 4 
ఆరెంజ్ జ్యూస్: 2cups 
వెన్నతీసిన పాలు: 2cups 
అరటిపండ్లు: 4 
పంచదార: 2-3tbsp
 నిమ్మరసం: 1tsp 
తేనె: 4tsp 

తయారు చేయు విధానం: 
1. మొదటగా ఆరెంజ్ తొనలు తీసి ఆరెంజ్ జ్యూస్ ని సపరేట్ చేసి పెట్టుకోవాలి. 
2. తర్వాత ఆరెంజ్ జ్యూస్, పాలు, అరటిపండ్ల ముక్కలను మిక్సీలో వేసి బ్లెండ్ చేయాలి. 
3. ఈ మిశ్రమానికి అర టీస్పూన్ నిమ్మరసం, పంచదార కలిపి ఒక పాత్రలో పోసి ఫ్రిజ్‌ లో ఉంచాలి. 
4. బాగా చల్లబడిన తరువాత తీసి జ్యూస్ గ్లాసులలో ఈ మిశ్రమాన్ని నింపి, పైన ఒక్కోదాంట్లో రెండు టీస్పూన్ల తేనెను కలిపి అతిథులకు సర్వ్ చేయాలి. అంతే ఆరెంజ్-బనానా జ్యూస్ రెడీ. అరటి, కమలాపండ్లతో తయారు చేసిన ఈ బనానా ఆరెంజ్ ఫ్రీజ్ జ్యూస్ కొత్త రుచితో అలరించటమేగాకుండా.. తక్షణ శక్తిని ఇస్తుంది. వేసవితాపాన్ని చల్లారుస్తుంది, వడదెబ్బనుంచి కాపాడుతుంది. హాట్‌ హాట్ సమ్మర్‌ ను, కూల్ కూల్‌ చేసేస్తుంది.

బొప్పాయి జ్యూస్

బొప్పాయి జ్యూస్ తయారి: 
బాగా పండిన బొప్పయి ముక్కలు ఒక కప్పు,
 ఆరెంజ్ జ్యూస్: ఒక కప్పు, 
నిమ్మరసం 3చెంచాలు, 
తేనె 1 చెంచా. 

ఈ పదార్థాలన్నింటిని జ్యూసర్ లో వేసి బాగా మెత్తగా గ్రైండ్ చేయాలి తర్వాత, సరిపడా నీళ్ళు పోసి, ఫ్రిజ్ లో పెట్టాలి. 10-15నిముషాల తర్వాత తీసుకోవాలి.

డ్రై ఫ్రూట్ జ్యూస్

డ్రై ఫ్రూట్ జ్యూస్

కావలసిన పదార్ధాలు : 

జీడిపప్పులు : అర కప్పు 

బాదం పప్పులు : అర కప్పు 

ఎండి  ద్రాక్ష : అర కప్పు 

పాలు : అర లీటరు 

పంచదార : కప్పు 

తేనే : రెండు టేబుల్ స్పూన్లు 

తయారుచేయు విధానం :

1) ముందురోజు రాత్రి బాదం, జీడిపప్పు, ఎండుద్రాక్షా నీటిలో నానబెట్టాలి.
2) ఇప్పుడు జ్యూస్ జార్లో నానపెట్టిన పప్పులు వేసి మిక్సి పట్టాలి.
3) ఇవి మెత్తగా అయ్యిన తరువాత పాలు, పంచదార వేసి ఒకసారి మిక్సి పట్టాలి.
4) ఇప్పుడు తయారయిన జ్యూస్ ని  గ్లాస్ లోకి పోసి తేనే, నిమ్మరసం, ఐస్ ముక్కలు వేసి అతిధులకు అందించటమే.


* వేసవిలో తాగటానికి చల్లచల్లని డ్రై ఫ్రూట్ జ్యూస్ రెడి. 

Tupperware India Fact Sheet Week 29 2014 - 13th July 2014 - 19th July 2014 / Tupperware 29th week FactSheet 2014

Promotion /  Qualification	Ordering Code	Product Name	MRP	Special Price	Savings
Mission Million
	623	Buy Smart Saver #2 (1 Pc) + Smart Saver #3 (Set of 2) and get Smart Saver #2 (1 Pc)	1850	1420	430
Limited Offer
	624	Buy Fridge Smart Set (Small + Medium + Large (1 Pc each) and get Forget Me Not (1 Pc) FREE*	1820	1595	225
	595	Buy Large Handy Bowls (Set of 4) & get 1 pc FREE*	1200	960	240
	568	Buy Super Storer Small + Medium + Large (1 pc each) and get Super Storer Medium (1 pc) FREE	2315	1735	580
	547	Cool ‘n’ Fab Lunch	670	670	0
		Cool N Fab Lunch Bag #	175	175	0
	621	Disney 12 Oz Tumbler (Set of 2)	580	525	55
	552	Iso Duo 1.5L	670	595	75
	633	Small is Beautiful Set (Cool Square Mini + Smidget + Midget ) Set of 4 each $	920	595	325
	591	Store N Serve 1.6L (Set of 2)	850	695	155